Berriak

  • Gutxiago ikusi

Aldundiak kanpaina bat abiarazi du emakume eta gizonen arteko ardura partekatuan indar egiteko

2017/03/07
image

Miren Elgarresta Gipuzkoako Foru Aldundiko emakumeen eta gizonen berdintasunerako organoko zuzendariak kanpaina berri bat aurkeztu du, berdintasunean aurrera egiteko ardura partekatuaren alde. Kanpaina martxoaren 6an jarri da martxan, martxoaren 8a emakumeen nazioarteko eguna dela eta. Helburua da Gipuzkoako gizarte osoa sentsibilizatzea, eta kanpainak indarra jartzen du emakumeek eta gizonek ardura partekatua izan behar dutela bizitzaren alor guztietan.

 

Kanpainak zenbait ikus-entzunezko euskarri egingo ditu, eta datu gogorrak azaltzen ditu, ongi baino hobeto erakusten dutenak norainokoak diren desberdintasun egoerak. Aurretiazko azterketa baten emaitza dira, zeinetan kontuan izan baitira Ogasunak, Emakundek, EHUk eta bestek emandako hainbat txosten. Kanpainarako, diseinuak sortu dira, helburu dutenak emakumearen egoera erakustea irudi zatikatuen bidez.

 

Kanpaina honetan erabiliko diren datuak hauek dira:

- 123 lan egun gehiago, emakume batek gizon batek irabazten duena irabazteko.

- Emakumeen bataz besteko soldata % 25 gutxiago da gizonena baino.

- Seme-alabak zaintzeko eszedentzien % 5 bakarrik gizonek eskatuak dira.

- Lanaldi partziala dutenetatik, % 83 dira emakumeak.

- Administrazio kontseiluetako % 25 eserleku bakarrik betetzen dituzte emakumeek.

Ez dago iruzkinik oraindik. Izan lehenengoa.

Artxiboa